Shairy-e-dard Options

[desi]

Aa ker tum khuwaaboon ko mere jagah na do;
Tarapte dil ke dard ki yunh dawa na do;

Duniya ke ghum soonp ker mujhe;
Ab khush rehney ki dua na do;

Dikhla ker mekhaney ka rastaa phir;
Ab-e-zam zam ki sada na do;

Kaantey bhar ker merey daaman mein;
Mujhe pholoon ki si adaa na do;

Mila ker zeher merey ja’am mein;
Mujhe be-wajah maut ki wajah na do;

Gunaah jo sarzad hua hee mujh se;
Pal pal be gunaahi ki saza na do;

Badnaam ker ke uss ki galiyoon mein ab;
Uss ke aashyaaney ka tumhee pata na do;

Mohabbat kertey hein, dikhana nahi jaantey;
Ilzaam magroori ka de ker ye sila na do;

Jala rakha hai ummeedoon ka diya sadyoon se;
Pal bhar ki khalish se isey bujha na do;

Mein ek na cheez sahee kisi ke dil ka hisssa hoon;
Mujhe yunh sufha-e-hasti se mita na do;

Zaib nahi deta mujhe mohabbat ka husool;
Nafrat hee sahee,tark-e-talluq ki magar hawa na do;

Cheen ker mujh se zindagi meri;
Mujhe aur jeeney ki bad’dua na do
_________________

[desi]

De Ker Ghum-e-Judaai Woh Jaane Kidher Gaya
Burpaa Qayamatein Jo Mere Dil Pe Ker Gaya

Jaate Hue Woh Le Ke Dua Ka Aser Gaya
Mujhe Ko Ghum-e-Hayat Se Begaana Ker Gaya

Dekha Jo Sooye Taj Mehel, Dil Ne Ye Kaha
Fun To Raha Hai Zinda Ke Funkaar Mer Gaya

Kia Yaad Ker Sake Ga Yahan Per Mujhe Koi
Sheraaza Meiri Husti Ka Jis Din Bikher Gaya

Phir Ajj Usi Ko Dhoondti Hai Ye Nigaah-e-Shouq
Dekhe Jise Ae Sanam Zamaaana Guzer Gaya
_________________